Üç cibgir tərəfindən bıçaqlanan 20 yaşlı Əziz Həsənov əməliyyat olunub
Yasamal rayonunda, metronun Elmlər Akademiyası stansiyasınun yaxınlığında bıçaqlanma hadisəsi baş verib. İnşaat Universitetinin tələbəsi, 20 yaşlı Əziz Həsənov bıçaqlanıb. Kliniki Tibbi Mərkəzə gətirilən Ə.Həsənovun vəziyyəti orta ağırdır.
Mərkəzin həkimi Ramiz Kərimovun verdiyi məlumata görə, yaralı döş qəfəsinin sol yarasının kəsilmiş deyşilmiş yarası diaqnozu ilə xəstəxanaya daxil olub və əməliyyat edilib.
Əziz ilə naməlum şəxslər arasında mübahisə metronun içərisində yaranıb. Belə ki, tələbə səhər dərsə gedən zaman cibgirlərin hədəfinə tuş gəlib. 28 may metrostansiyasında Əziz hiss edib ki, kimsə onun cibindən pulqabısını aparmaq istəyir.
Zərərçəkənin atası Aydın Həsənovun sözlərinə görə, Əziz idmançı olduğundan, özünə arxayın olaraq müqavimət göstərib və nəticədə iki bıçaq zərbəsi alıb.
Cibgirlər 3 nəfər olublar və dərhal hadisə yerindən qaçıblar. Faktla bağlı Yasamal Rayon Polis İdarəsində cinayət işi başlanıb. /ANS TV/