Rusiyada hər 100 nəfərə 123 cib telefonu düşür

Telefon abunəçilərinin sayı ölkə əhalisindən çoxdur

Rusiyada hər 100 nəfərə 123 cib telefonu düşür. Lent.az-ın məlumatına görə, bu, İngiltərənin telekommunikasiya sahəsində məşhur şirkətlərindən olan “Ofcom”ın apardığı araşdırma nəticəsində məlum olub.

Şirkətin qənaətinə əsasən, 2007-ci illə müqayisədə Rusiyada vətəndaşlarının cib telefonu abunəçilərinin sayı 14 faiz artaraq, 174 milyona çatıb. Bununla da 142 milyon nəfər əhalisi olan ölkədə hər 100 nəfərə 123 cib telefonu düşür. Şirkətin araşdırmasına görə, ölkə vətəndaşlarının çoxu 2-3 nömrədən istifadə edir.

Ən çox cib telefonu istifadəçiləri siyahısında birinci yeri İtaliya, ikinci yeri Rusiya tutur. Siyahıda üçüncü yerdə İngiltərə qərarlaşıb.
Lent.az