Admin Admin
İsmarıc sayı : 26 Kayıt tarihi : 09/12/08
| Mövzu: Bakıda ilk dəfə olaraq Analıq Məktəbi fəaliyyət göstərəcək Ç.a. Dek. 23, 2008 1:23 pm | |
| Məktəbdə 10 dərsdən ibarət pulsuz təlim kursu zamanı analara reproduktiv sağlamlıq, hamiləlik, doğuş, sağlam analıq, laktasiya, körpəyə düzgün qulluq barədə əsaslı və ətraflı məlumat veriləcək Bakıda ilk dəfə olaraq Analıq Məktəbi fəaliyyət göstərəcək. Rasional İnkişaf uğrunda Qadınlar Cəmiyyəti tərəfindən təşkil olunan Məktəbdə 10 dərsdən ibarət pulsuz təlim kursu zamanı xanımlarımıza reproduktiv sağlamlıq, hamiləlik, doğuş, sağlam analıq, laktasiya, körpəyə düzgün qulluq barədə əsaslı və ətraflı məlumat veriləcək. Avstraliya və Britaniyadan gətirilmiş müasir tələblərə cavab verən ləvazimatla təchiz olunmuş Analıq Məktəbində doğuşa hazırlıq üçün praktiki məsləhətlər də veriləcək. Dərslər Azərbaycanın peşəkar həkimləri tərəfindən aparılacaq. Kursların təşkilində Almaniya və Polşa peşəkarlarının təcrübəsindən istifadə olunacaq. Eyni zamanda Analıq Məktəbinin məzunlarına Azərbaycan dilində nəşr olunan ilk «Qadın Sağlamlığı Ensiklopediyası» hədiyyə olaraq veriləcək. Ensiklopediya peşəkar həkimlər tərəfindən təsdiq olunmuş məsləhətlər, qadın reproduktiv sağlamlığı, hamiləlik, doğuş, uşağa qulluq və s. kimi lazımlı məlumatları əhatə edən vəsaitdir. /ANSPRESS/ | |
|